Hymn/Song Information

THE PALACE OF THE KING

It's a bonnie, bonnie warl' that we're livin' in the noe'
An' sunny is the Ian' that noo we aften traiv'll throe;
But in vain we look for something to which oor hearts may cling,
For its beauty is as naething to the palace o' the King.
We like the gilded simmer, wi' its merry, merry tread,
We sigh when hoary winter lays its beautiee wi' the dead;
For tho' bonnie are the snawflakes, an' the down on winter's wing,
It's fine to ken it daerna touch the palace o' the King.

Then again, I've just been thinkin' that when a' thing here's sae bricht,
The sun in a' its grandeur, an' the mune wi' quiverin' licht.
The ocean i' the simmer; or the woodland i' the spring,
What maun it be up yonner, in the palace o' the King.
It's here we hae oor trials, an' its here that he prepares
His chosen for the raiment which the ransomed sinner wears.
An' it's here that he wad hear us 'mid oor tribulations sing.
"We'll trust oor God wha' reigneth in the palace o' the King."

O its honor heapid on honor that his courtiers should be ta'en
Frae the wand'rin anes he died for in this warl' o' sin and pain.
An' its fu'est love an' service that the Christian aye should bring
To the feet o' him wha reigneth in the palace o' the King.
The time for sawing seed, it is wearin, wearin dune;
An' the time for winnin' souls will he ower very sune.
Then let us a' be active, if a fruitfu' sheaf' we'd bring
To adorn the royal table in the palace o' the King.

Nae nicht shall be in heaven, and nae desolatin' sea,
And nae tyrant hoofs shall trample in the city o' the free;
There's an everlastin' daylight, and a never fadin' spring,
Wliere the Lamb is a' the glory in the palace o' the King.
We see oor friends await us ower yonner at his gate;
Then let us a' be ready, for ye ken its gettin' late;
Let oor lamps be brichtly buruin'; let us raise oor voice and .sing,
For sune we'll meet, to pairt nae mair, in the palace o' the King.